Cost of War

Nokkuð mögnuð síða

Eiki lenntur...

... og ég orðin grasekkja. Hundleiðinlegt að vera svona ein. Aðal vandamálið er reyndar að ég nenni aldrei að fara að sofa. Heng (eða hangi) yfir sjónvarpinu langt fram eftir. Ég veit, ég veit, ætti að fara að sofa til að vera hress í fyrramálið við lærdóminn... puhh. Já og svo er ég svo sniðugt að horfa á hryllingsmynd og núna er ég orðin hrædd við að vera ein..... eða hryllingsmynd? Ég er með svo lítið hjarta að þetta er eflaust ekki hryllingmynd fyrir flesta.

Fór í klippingu og litun í dag og ég er orðin algjör ljóska.. svo sem ágætt en sjálfri finnst mér að ég eigi að vera dökkhærð en líka gott að breyta til öðru hvoru. Dekki það aftur með haustinu.

Alla vega...

Verslunarmannahelgi í Køben....

... er bara eins og hver önnur helgi. Fyndið hvað þetta fer alveg fram hjá manni

Annars er það að frétta að Eiki er að pakka og gera sig kláran að fara í flugið til íslands á morgun. Ég sit eftir heima... en bara í viku í viðbót! Þar sem ég var að versla mér miða til landsins líka. Málið er að ég þarf ekki að vinna fyrr en 24. ágúst og fer í próf 9. ágúst. Hef því lítið annað að gera á milli:) Svo ætlum við að reyna að framleigja íbúðinni á meðan þar sem það er alltaf verið að auglýsa eftir íbúðum í sumar og gæti allt eins farið svo að við verðum bara í plús. Sem væri ekki slæmt

En það er búið að vera geggjað veður síðustu daga og grillað og setið úti langt frameftir kvöldi... og ekki þörf á Kraftgalla. En núna er Eiki á grillinu að grilla SS pylsur... mmmm... og ég þarf að fara að leggja á borðið úti á svölum

Simon&Garfunkel

Mamma var hjá okkur um helgina og við mæðgur ásamt Heiðu systir skelltum okkur á tónleika í Parken með Simon&Garfunkel. Það var ekkert smá gaman. Gæsahúð dauðans við lög eins og "Sound of Silence" of "Bridge Over Troubled Water" og líka frábært að The Everly Brothers voru líka og tóku lög eins og "Bye Bye Love" og "Wake Up Little Suzy" við mikinn fögnuð áheyrenda.

Annars er það helst að frétta að prófið sem ég er að fara í 9. ágúst verður munnlegt en ekki skriflegt eins og það hefur alltaf verið. Nema ég komst að þessu að tilviljun og er frekar svekkt þar sem það er stutt í próf og vantar allar upplýsingar um hvernig prófið fari fram.

Já og Elín Hrund systir Eika er í Köben. Hún var að koma frá Tyrklandi og stoppar hér fram á miðvikudag, þannig þau systkinin eru að spóka sig um götur Kaupmannahafnar á meðan ég berst við næringafræðina

Eiki hrakfallabálkur....
 
Haldiði ekki að Eiki hafi þurft að fara aftur á slysó í gær... núna með flís í auganu. Kom heim með lepp... algjör töffari.

Hversdagsleikinn tekinn við

Núna er 2 vikna sukki lokið og rólegheit tekin við.
Það er óneitanlega búið að vera mikið gaman og mikið stuð að fá alla þessa í heimsókn. Gummi, Sölvi, Dögg, Vala og Dóri hafa öll verið á Hótel Vigdísi í kringum Roskilde og voru öll prýðis gestir.
Núna eru reyndar Ösp, Dóri og Dagur Sölvi litli í heimsókn. En það eru meiri rólegheit með lítinn 3 ára. Reyndar ætlar Ösp að elda mat í kvöld og huggó... aðrir gestir mættu taka það til fyrirmyndar í framtíðinni;)
Eiki slasaði sig í vinnunni á þriðjudag. Hann var að saga með handsög í plötu og stykkið sem hann var að saga af brotnaði af og sögin hrökk á hendina á Eika. Náði að skera svona rúman 3 cm langan skurð á handabakið á vinstri hendi og það þurfti að sauma 4 spor. Læknirinn sagði að hann væri mjög heppin þar sem skurðurinn lennti á milli sinar og stórra æðar. Var nokkuð aumur í gær en er annars bara hress.
Annars er ég bara heima að læra allan daginn. Næringafræði dýra á borðum... alltaf hressandi að lesa um orkugildi heys! En annars er þetta ekki svo slæmt. Farin að hlakka soldið til að byrja aftur í skólanum í haust... sem er bara jákvætt.
Brjáluð sól og hiti í Köben... eða ekki.. bara íslenskt sumar á baunalandi.
Ciao

ROSKILDE ´04

Þetta er búið að vera rosalegt...
Franz Ferdinand voru rosalegir og Pixies líka og N.E.R.D. líka og Zero 7 líka og Joss Stone líka og Tim Christensen líka og The Hives líka og The Shins og Beenie Man líka og...
...shit þetta var bara rosalegt....

Og ofan á allt urðu Grikkir Evrópumeistarar... rosalegt!